今日同我以前的saxophone老師聯絡, 先知道他今年開始全職教色士風。 原來上次上堂已是六年前的事!  現在只有過時過節(聖誕同農曆年)才出來伴奏。
你可能會覺得奇怪, 為何一個無乜氣又無乜肚腩嘅女子點解會吹色士風? 聽得太多Kenny G? 不是, 而且佢多數吹soprano sax 唔係 alto sax. 當然 Louis Armstrong 首 What a wonderful world 唔多唔少都有影嚮, 尤其2000年係 San Franciso 坐 night cruise 上聽過 live band 的演奏, 之後回港咁啱教會又開班, 咁咪報名學。
但其實小妹喺好細個聽過老爸d唱片有 Acker Bilk 首咁百聽不厭的 Stranger On The Shore 已好想學。 對, 笑話就係首歌唔係用 saxophone 吹, 而係用 clarinet。我好大個至知!

昨天天氣涼, 可能未做好熱身就上pilates, 加上又多sketching exercises, 今日成身的肌肉都好似被拉得緊緊。 所以今日要relax吓... 睇吓陳豪套「品味咖啡」, 就當travelog咁睇。
唔記得幾時開始飲咖啡, 第一柸應該係屋企沖的鳥巢即沖咖啡, 加好多糖好多花奶都可以飲得吓。 亞爺有時會飲檀島咖啡, 或到茶餐廳叫柸鴛鴦。 之後英國讀書時所喝的咖啡, 全為提神, 無味可言。 馬來西亞做嘢時都學d同事飲kopi冰, 即凍咖啡。 Coffee chain 的咖啡以加拿大Tim Hortons最正, 其實Starbucks咖啡只係一般, 佢勝在氣氛而已。 返而有時吃完日本餐的一小柸咖啡, 就盡顯貴精不貴多本色。
不過咖啡都係只可以偶意一柸, 飲多絕對無益。

每年的年頭年尾都係D樂壇頒獎禮天下, 又大炒作什麼不和、爭獎、內定。其實除咗認真大熱的本地歌, 現在都好少聽, 返而多聽咗日本台灣歌。
呢首係中島美嘉用她娓娓動聽的歌聲, 唱出日本TBS電視劇「流星の絆」的插曲Orion, 有一種使人想繼續聽下去的感覺。 其實你話呢首原本係Canto pop, 之後再改編為日本歌我都會信, 尤其唱到果句 I believe.

我覺得今年農曆新年來得特別快。 聖誕假期感覺仍在, 但四處已開始加插農曆新年氣氛。
都會係一個slow-moving的一月份, 而且又會有很飯聚的日子。
真係好想過年時take a break, 出外走走。

2008年即將過去。
一方面覺得時光飛逝, 咁又過咗一年。 但今年對於好多人都係有好多困難嘅一年, 真係好想快D過去, 一切從新開始。 但新的一年來臨唔等於一切壞事過去, 只有好事才來。
其實最緊要識得 count our blessings, 要向前望。
小妹有生以來, 今年身體出現最多毛病, 但幸好都可一一渡過。我亦唔敢講我D投資完全順利, 但因身家少可蒸發的亦不多。今年亦花費了不少, 但只要值得就是回報。
但今晚我為仍可數算我的恩典而感恩。
記得上次睇戲時嘅笑聲? 記得聽首好歌之後的快樂? 記得吃完一些美食的滿足? 記得做完運動的快感? 記得小孩子天真的笑容? 記得看見海上日落的那種平和? 記得神聽你禱告蒙應允的感覺?
祝願大家有個更好的2009。

星期日的少年區浸禮名為聖誕樹下的浸禮。今年用咗陳璽恩的台北的聖誕節(改為香港的聖誕節 )做主題曲。好好聽,仲唱到個個入哂腦。


香港的聖誕節 天空不下雪
但是我感覺到一種愛的力量
從天那端開始蔓延我知道那是你

全世界的盼望 寫在你身上
從永遠到永遠 都要傳唱
你的降生 是為了我
是為了我們

這位剛滿11歲的成都市銀都小學生王藝錦, 藉著爸爸在民航系統工作, 在過去的三個暑假隨父出國, 踏遍歐洲29個國家和地區。 她將旅途點滴記錄下來, 寫成一部12萬字的「西遊記」出版, 真正的「背書包逛歐洲」, 還為四川大地震災區籌款。
嘩, 我都好想藉著家人工作, 可踏遍歐洲各地。或可出本自己配音配樂, 但要按扭才發聲的純影集。