以上既title只係目標,

目前仍未達到。

唔想離開呢度呀.......

用左好多心機去建立.....

仲有兩個半星期。

新一年

可以講既野好多好多....

2008年既第一日

我話俾自己聽

2007年發生過既所有事,

我都唔要再記住,

我要重生。

2009年既第一日

我著住一條2008年年頭買既短褲同屋企人去九龍城飲茶,

從來未著過,

但我可以講

今次係第一次亦係最後一次著,

因為著左上身

我就知自己唔鍾意。

買左個朱古力木糠布甸同金枝玉葉返屋企,

同家姐一齊食,

就只係咁簡單既一日。

2006同2007就真係唔記得左啦""

係呢度度過左4個年頭,

就黎要講拜拜啦"

開呢度既時候只係一心想創立一個屬於自己、代表自己既地方,

無諗過要俾幾多人link到又或者要好受歡迎,

無諗過有一日總瀏覽人次會過十萬,

近幾日先發現

原來hompy排行榜上面出現左自己個名,

多謝所有關心我既朋友,

儘管呢度無footprint,

無論你地有無上過黎,

多得你地每一個

帶俾我每一日有意義既生活,

我知道淨字無相既hompy真係悶到悶死人,

遲d開個新既

希望可以改進下。

1月21日

呢度就會被逼close,

因為屋企人要cut左係netvigator既呢項服務,

唔知個底仲會唔會睇得到,

會去邊度另起爐灶暫時未諗,

可能到年尾又會返黎。

要告別

真係好唔捨得,

一字一句

我都會做backup,

做唔成一個用足十廿年既個人網誌,

但我仍然會努力做好自己,

呢份心意係我堅持既唯一,

多謝=]

好唔開心呀！

今日去左間黑店呀-______-"

maxmo無做髮型師,

於是我忍無可忍之下

今日終於去左剪剪個頭,

去左第二間hair T plus,

入到去坐左陣,

見到maxmo之前所講既「大老闆」,

一個戴眼鏡

似通渠佬多過髮型師既師傅,

以為無死啦！

點知.........

真係想爆粗..........

幫我剪個條友擺明岩岩出黎旺角做,

以前一定係d屋村髮型屋做,

即係淨係識負離子同「剪輕d」個d頹人,

我一坐低就已經話左我唔鍾意負離子,

亦唔鍾意髮尾薄到得返幾條毛毛,

我係鍾意又厚又曲呀！

唔得呀?!

叫佢幫我求其修下,

佢最終用風筒將我成個頭吹直晒囉！

我叫你剪頭髮姐"

可唔可以整返我個頭出黎呀?!

勁燥呀！

十二月廿四日

我記得之前幾年都覺得

呢個日子好重要,

一定要出街,

但今年忽然間想

留係屋企。

一直好想多謝媽咪

多謝佢不斷失敗但繼續嘗試既薑汁撞奶,

其實我鍾意食既係雙皮奶而唔係薑汁撞奶,

不過都無所謂啦"

即興整都係為開心=]

另外

因為忽然係屋企搵到個煲所以要整既煲仔飯,

因為我曾經講過鍾意食所以之後幾餐都係食佢既鱔,

仲有一樣

曾經停產既美心紅豆酥=]

好好味！多謝媽咪！

都要多謝家姐

今年佢送俾我既聖誕禮物係log on既抓毛襪,

訓覺著住真係好暖架！

大家不妨買對試下=]

平安夜到底係要點樣慶祝?

今年我會話

平安夜、聖誕節、boxing day都一樣,

努力讀書！

然後下年又唔同講法, 哈！

首先要補返多謝賓賓同伊夫人俾我既朱古力同說話,

令我諗起紀念冊呢樣野=] 哈哈"

仲有就係矮矮、ken哥、迪迪

偲哥同林耀,

thx a lot =]

我都好想簡單。

我印象中最簡單既年代係幼稚園同小學,

所謂既簡單

就係成個世界得自己,

唔理其他人

自己就係世界。

每個人都有自己enjoy既生活方式,

而所謂既簡單,

亦都見仁見智。

就以《珠光寶氣》為例,

Constance有時係會諗過龍,

但有時真係太簡單,

不過當被Sylvia鬧佢太簡單既時候,

Constance會因為咁而好唔開心。

我想帶出一個結論

唔開心唔等如生活複雜,

要簡單得黎開心

首要條件係身邊既所有人都好簡單,

因為只有咁樣,

大家先唔會諗得太多,

先可以到達「簡單」應有既境界。

到底係d人諗得太複雜

定係我真係唔夠簡單?

有d事

當你以為唔會再發生,

但原來隨時又發生。

有d事

當你以為一定又發生,

但原來又未發生。

有d野

我唔會攬上身,

因為唔係我可以處理得到,

偏偏我既思維會傾向

improve

but not

solve

到頭來我又會為左呢d解決唔到既野

而扑心扑命。

有人可能會問

為咩呢?

我好明白,

公事上

當我睇返轉頭係完全唔重要,

所以我唔會將公事私事拉埋一齊講。

然後又有人會問

明知唔重要仲做黎為乜呢?

哈哈""

盡責

小明同我講：「其實有陣時做野唔洗做到咁架, 有做過就得架啦" 我驚你做得唔開心。」

好多謝佢既關心,

亦都知佢既用意,

所以今次我既做法同過去都好唔同,

就係做返我既本性,

我本身就係做野無頭無尾既人,

唔問人意見,

我有我做,

唔鍾意做就唔做,

可能咁樣會令其他人好唔滿意,

不過我好相信

d野逼到埋身就實要有人去做,

我唔做即係其他人要做,

原來有d人係可以百毒不侵到

我暗示埋聖誕假我唔會做任何野

都仍然堅持要做野,

我想試下

我唔做野

有幾多人會企出黎做野。

just test, just a game,

我無責任,

我講既。

柴竣講得岩

就算我把口話唔做,

但到最後

我都要繼續做。

無論點都好,

責任呢樣野

我唔會俾自己任性到完全唔理,

得與失

呢件事上好難去計算,

不過我以後都會用「算啦」既態度,

如果我做野無要求,

我會好求其hea過佢就算,

既然大家要求唔同

唯有「算啦」。

班會算啦,

fd算啦,

讀書好過。

過完今日,

我已經唔知可以點樣再做落去,

做到自卑。

要就既已經就晒,

責任責任責任責任責任

家姐話：「你可以唔做架！」

媽咪話：「仲要做呀? 早d訓啦！」

爸爸話：「得你一個人買晒咁多份呀? 」然後冷笑。

哈哈。

我仲識得笑,

用一日就無事,

真係好。

算啦"

無野奢求啦,

無晒要求啦,

求其啦。

有d野

我想由得佢過左去就算,

講感受

就係想所有野快d完,

發爛

發過啦

3分鐘咁大把,

做呢個位

我對自己已經好有交代,

內裡發生過d咩事,

有幾多句說話係我上到喉嚨都吞返落去,

我自己先最清楚,

旅行

我想抖抖,

無A-level無班褸無teachers' day乜都無。

我想專心讀書,

有咩問題,

我負責既,

我會執返靚佢,

其他野,

唔好太難睇就得,

大家可唔可以俾面我

唔好咁執著?